Gin-anunsyar sang Philippine National Police (PNP) nga nagapabilin sa 375 halin sa 14,519 ka gasolinahan sa bug-os nga pungsod ang temporary nga sarado bangud sa kakulangan sa suplay sang gatong nga dala sang padayon nga krisis sa Middle East.
Suno sa PNP, padayon nila nga ginamonitor ang sitwasyon samtang naka-full alert status ang ila talatapanan humalin pa sang Marso 31, nga may masobra sa 98,000 ka personnel nga nakatoka para sa Holy Week kag summer vacation.
Suno kay PNP Chief Gen. Jose Melencio Nartatez Jr., nagapangabay ang PNP sa Department of Energy kag sa Municipal Price Coordinating Council agud masiguro ang husto nga suplay kag malikawan ang mga abeyra sa publiko.
Ginhangyo man sang PNP ang publiko nga i-report ang bisan ano nga ilegal ukon indi maayo nga mga aktibidades may kaangtanan sa suplay kag presyo sang gatong sa pinakamalapit nga istasyon sang pulis, kag mahimo man magtawag sa unified 911 ukon usaron ang opisyal nga PNP hotline.
