KORONADAL CITY – Naglab-ot na sa kabug-usan nga 34 ka mga miyembro sang Communist Terrorist Group, New People’s Army (CTG/NPA) ang nabalik sa sabak sang gobyerno pinaagi sa pakig-angot sa linyada sang mga kasuldadohan sa bahin sang Probinsya sang Sultan Kudarat sa imbokada nga bahin sang bulan sang Hunyo.
Ini ang gintagaan sang ligwa ni Lt.Col John Paul Baldomar,tigpamaba sang 6th Infantry Division Phil. Army sa interview sang Bombo Radyo Koronadal.
Suno sa opisyal, ang 34 ka mga former rebels kunsa diin nalakip ang isa ka Commander nga naghalin sa Sub-Regional Command (SRC) – Daguma sa idalom sang Far South Mindanao Region .
Upod sang mga nagsungka nga mga rebelde ang pila ka mga matag-as nga kalibre sang armas-luthang kag pila ka mga war paraphernalia kag pila ka mga eksplosibo.
Sa padayon nga pagpang-awhag sang mga militar sa mga rebelde nga magsungka, nakapagkit na sang kabug-usan nga 73 ka mga former rebels sa area sang Joint Task Force Central humalin sang Enero sa kasamtangan nga tuig kalakip man diri ang 66 assorted firearms kag mga eksplosibo ang na turn-over sa linyada sang militar.
Dugang pa ni Baldomar, kadam-an sa mga nag surungka amo ang halin sa mga utod nga IPs sa mga nabukid nga bahin sang Sultan Kudarat.
