-- ADVERTISEMENT --
Patay ang duha ka tawo kag siyam (9) ang napilasan sa pagbunggoanay sang duha ka train sa San Bernardo, Chile.
Suno sa otoridad, samtang nagapatigayon sang test run ang Chile’s state railway company (EFE) sang ila isa ka train, bumungo ini sa isa ka cargo train nga gina-operate sang private rail firm nga Fepasa.
Lakip naman sa mga napilsan ang apat ka mga Chinese nationals nga kabahin sa test train crew, sa diin padayon nga ginabulong.
Padayon naman sa karon ang ginahiwat nga imbestigasyon sang mga otoridad sa nasambit nga insidente.
