Patay ang yara sa 18 ka tawo sa nahitabo nga stampede sa isa ka istasyon sang tren sa may kapital sang New Delhi sa India.
Suno sa mga lokal nga opisyal, nag-umpisa ang trahedya sang nagdali-dali ang madamo nga mga pasahero nga maka-sakay sang tren padulong sa pinaka dako nga religious gathering sa bilog nga kalibutan nga Maha Kumbh Mela sa syudad sang Prayagraj nga magatapos sa Pebrero 26.
Ginaselebrar ini kada 12 ka tuig gani damo nga mga Hindu nga nagakadto.
Ginkumpirmar ni Dr. Ritu Saxena, ang deputy medical superintendent sang Lok Nayak Hospital sa New Delhi, nga mga 15 ka tawo nga yara sa ila ospital ang napatay.
Wala sang napagkit nga open injury ang mga ini, apang ang kadam-an nga napatay tungod sang hypoxia, bisan pa nga posible nga may mga nagpagkit sang blunt injury, apang mabulubanta pa ini pagkatapos sang autopsy.
May ara man nga 11 ka tawo nga napilasan sa insidente, kag kadam-an sa ila yara na sa stable nga kondisyon nga nag-antos sang orthopedic injuries.
Suno naman sa mga lokal nga media sa India, kadam-an sa mga napatay amo ang mga kababainhan kag mga kabataan.
Samtang, ginmanduan na ni Railways Minister Ashwini Vaishnaw ang high-level nga imbestigasyon kag nagtukod sang two-member high-level committee agud imbestigahan ang posibleng lapses sa insidente.
Nagpangasubo man si Prime Minister Narendra Modi sa mga pamilya sang mga napatay sa stampede kag nagapangamuyo para sa mga nasugatan para sa ila madasig nga pagka-ayo.
