KORONADAL CITY – Patay man ang duha ka mga Indonesian national nga ginaangot sa mga terorista nga grupo sa bulaganay nga operasyon sang mga otoridad sa South Cotabato.
Una nga napatay sa ginhimo nga operasyon ang isa ka 20 anyos nga si Johnny Orangdatang makaligad nga ginluthang sang nagbato ini sa mga kapulisan nga nagharang sa ila nga national highwat sa bahin sang Barangay Sulit banwa sang Polomolok.
Siya suno pa ang kasabwat sang arestuhon kun tani nga miyembro sang ISIS inspired group nga Dwlah Islamiya nga si Ali Boy Nilong nga wanted sa kaso nga frustrated murder.
Sa pihak nga nakaangkon sang pilas, nakapalagyo pa ang nasambit nga suspek sakay ang motorsiklo sa Barangay Poblacion, Tupi kung sa diin didto siya naaresto.
Nakuha sang mga pulis sa ginluntadan sang insidente ang tatlo ka mga basyo sang 9mm nga armas luthang, moor kag duha ka sachet sang shabu.
Suno naman sa follow operation sang joint team sang Polomolok kag Tupi PNP natukiban nila nga nakapalagyo man ang isa pa nila nga kasabwat nga ginkilala nga si John Mark Orangdatang sa Crossing Palkan, Polomolok.
Si John Mark ang nakaangkon sang tuman nga mga pilas makaligad nga magbato sa mga kapulisan sa pagluthang kag gindeklara nga dead on arrival sa balay bulolngan.
Nakuha man sa iya sang SOCO Team nga ginpangunahan ni Police Major Maikil Tan ang isa ka 38 revolver, mga bala kag basyo sang nasambit nga armas kag duha man ka sachet sang shabu.
