Naglab-ot sa 16 nga mga loose firearms ang ginsungka sa Barangay Salbu, Dati Saudi Ampatuan, Maguindanao del Sur.
Ini ang ginkumpirma ni Lt.Col Roden Orbon, ang spokesperson sang 6th Infantry Division, Philippine Army sa interview sang Bombo Radyo Koronadal.
Suno kay Orbon, ang pagsungka sang mga nasambit nga armas luthang ang parte sang pakig-upod sang mga residente sa Small Arms and Light Weapons (SALW) Program sang kasuldaduhan, nga nagatuyo nga pauntaton ang paglapnag sang mga indi lisyensado nga armas luthang sa rehiyon.
Kalakip sa mga ginsungka amo ang duha ka Cal.50, Sniper Rifle; isang 7.62mm, Sniper Rifle; isa ka 5.56mm Ultimax 100 LMG; isa ka 12 Gauge Shotgun w/M203 grenade launcher attached; isa ka 40mm, RPG; diha ka 40mm, M203 Grenade Launcher; duha ka 9mm, Sub-machine gun; isa ka 9mm, Uzi Sub-machine gun, isang Cal.38, revolver pistol; isa ka Granada kag duha ka dalawang bala sang RPG.
Nanawagan man ang mga militar sa iban pa nga local government units (LGUs) nga sundon ang tikang nga ginhimo sang mga residente sang Datu Saudi Ampatuan.
Gintagaan man punto ni Lt. Col Orbon nga ang tuyo sang SALW Management Program ang siguraduhon ang isa ka luwas kag matiwasay nga paagi sang pag-pauntat sang paglapnag sang mga loose firearms labi na nga naga-umpisa ang campaign period sa national candidates
