Napulo pa ka mga ngalan ang ginpresentar sang House prosecution sa impeachment trial ni Vice President Sara Duterte sa Senado, bilang mga gin-aligar nga nakabaton sang confidential funds sang Office of the Vice President ukon OVP.
Lakip sa ginpangalan amo sanday Renan Piattos, Nova Santos, Mico Harina, Janice Marie Revilla, Patty Ting, Andy Lim, Alejandro Pikit, Feonna Biong, Sisfrunio Balsac kag Gabriel Bisaya.
Suno sa state auditor nga si Roderick Wamil, ang mga acknowledgment receipt nga ginpresentar sa korte kabahin sang 845 ka resibo nga ginpasa sang OVP sa Commission on Audit agod suportahan ang liquidation sang una nga P125 milyon nga confidential fund nga gin-gamit sang Disyembre 2022.
Nagpamatuod si Wamil nga may mga kakulangan sa pila ka mga resibo, lakip ang wala sing igo nga supporting documents, mga resibo nga may sala nga petsa, kag mga transaksyon nga wala nasuportahan sang official receipts.
Ang amo nga mga kakulangan amo ang kabahin sang basehan sang Notice of Suspension nga gin-isyu sang Commission on Audit batok sa liquidation sang una nga P125 milyon nga confidential fund sang Office of the Vice President.
