TANTANGAN,SOUTH COTABATO– Nagresulta sa shootout ang nagluntad nga operasyon sang mga otoridad sa duha ka drug personalities sa banwa sang Tantangan, South Cotabato.
Sa ekslusibo nga interbyu sang Bombo Radyo Koronadal kay Police Captain Romeo Albano hepe sang Tantangan PNP, ginpatigayon ang nasambit nga operasyon sang gintingob nga pwersa sang Philippine Drug Enforcement Agency (PDEA 12) , Regional Police Drug Enforcement Unit 12 (RPDEU 12) kag sang Tantangan PNP kun sa diin nakilala ang isa sa mga target nga si Tong Manguda alyas Tong, yara sa legal nga pang edaron kun sa diin naghana pa ini nga magpalagyo usar ang motorsiklo kag nagbato pa sa mga otoridad usar ang kalibre nga armas luthang.
Nagbalos man ang mga otoridad kag naigo si Manguda samtang nakapalagyo naman ang isa pa ka kaupod sini nga wala pa natumod ang identity.
Gindangat sa balay bululngan si Manguda apang gindeklarar nga dead on arrival.
Narekober nama sa suspek ang isa ka pakete sang ginapatihan nga shabu, isa ka motorsiklo kag kalibre 45 nga armas luthang.
