Nagpanawagan ang World Health Organization (WHO) kag UNICEF sang pito ka adlaw nga ceasefire sa Gaza matapos makumpirma sang Palestinian health ministry ang pinakauna nga kaso sang polio.
Base sa sample test nga ginpadala sa Amman, Jordan nga halin sa Gaza, nakit-an nga type 2 poliovirus ang nadiskubre sa wastewater sa mga daku nga siyudad sang Gaza.
Suno sa report sang Palestinian health ministry, ang una nga kaso nakit-an sa 10 bulan nga lapsag sa Deir al-Balah.
Wala nakabaton sang bisan ano nga bakuna ang lapsag rason nga nakakuha siya sang infectious disease.
Gani, nagapangayo ang WHO sang ceasefire sa Gaza agud mabuligan ang pitong adlaw nga kampanya sa pagbakuna para sa 640,000 nga Palestinian nga kabataan nga 10-anyos pataas.
Kinahanglan suno pa sang 95% sang mga kabataan ang mabakunahan agud malikawan ang paglapta sang polio kag maminusan ang risgo sini.
Ang vaccination campaign sang WHO may duha ka rounds nga himuon sa Setyembre, kag ang mga kabataan nga 10-anyos paubos pagahatagan sang duha ka patak sang oral vaccine kontra type 2 polio virus.
