Nakig-deal ang isa ka wanted sa kapulisan sa Torrington, Connecticut, United States nga maga-surrender lamanng siya kon mag-viral ang iya wanted poster sa Facebook.
Ginkilala ang wanted nga si Jose Simms, 29 anyos nga ginpasakaan sang kaso sa korte para sa first-degree failure to appear kag second-degree failure to appear.
Ang iya kaso may kaangtanan sa illegal nga droga, DUI, paglapas sa protective order, kag breach of the peace.
Una diri, nagpahayag ang wanted nga magasungka lamag siya kon makaabot sa 20,000 likes ang iya wanted poster, pero nagsugot na lamang ang kapulisan nga bastante na ang 15,000 likes.
Wala nila ginapaabot nga mag-viral gilayon ang poster sini kun diin naglaum ang mga otoridad nga mabudlayan ini nga makakula sang bisan 10,000 likes na lamang. Apang, sa ikaduha nga adlaw matapos ini gin-post, nakabaton na ini sang 19,000 likes.
Apang, wala naman nagtuman si Simms sa iya promisa nga magsungka sa baylo tubtob subong wala pa ini madakpan sang mga otoridad.
