KORONADAL CITY – Nagaapela sang bulig ang walo ka indibidwal nga nagikan sa siyudad sang Bacolod kag probinsiya sang Negros Occidental nha makapauli na sila matapos nga ma ma-stranded sang masobra duha ka bulan na sa siyudad sang Koronadal bangud sa covid-19 pandemic.
Sa eksklusibo nga interbyu sang Bombo Radyo Koronadal kay Gefarel Ortaliz, taga Brgy. Pulopandan, Negros Occidental, masobra duha ka bulan na sila nga stranded sa siyudad matapos nga nalab-utan sang lockdown bangud sa COVID-19 pandemic.
Suno sa iya, Pebrero 14 sila nag-abot diri sa siyudad kag nagtrabaho bilang mga “construction workers” apang bangud sa COVID nagdesisyon ang management sang Mall nga untaton ang trabaho gani apektado man ang ila kumbuyuhan rason nga sa baylo nga sweldo, ginahatagan na lamang sila sang allowance bilang ayuda, kag nakabaton man sila sang bulig gikan sa Brgy. Zone 1 kag LGU-Koronadal.
Apela sang mga ini nga aksiyunan sang ila nga LGU ang ila nga sitwasyon kag buligan nga makapauli sa ila pamilya.
Iban pa nga mga stranded sa Koronadal City:
Reyje Espina (Brgy. Handumanan, Bacolod City)
Melchor Casipong (Brgy. Punta Taytay, Bacolod City)
Harry Barena (Brgy. Punta Taytay, Bacolod City)
Iver Caspe (Brgy. Hinigaran, Negros Occidental)
Mark Anthony Zamora (Bacolod City)
Eugene Valencia (Bacolod City)
John Louie Desales (Bacolod City)
