Wala sang foul play sa paghikog sang biktima sa Tantangan – PNP

Wala sang foul play nga nakit-an ang Tantangan PNP may kaangtanan sa insidente sang paghikog nga napagkit sa ila area of responsibility.

Ginkilala ni PCapt. Romeo Albano, hepe sang Tantangan PNP ang biktima nga si Artemio Agregado Sr, nga residente sang Prk. Belo, Brgy. San Felipe, Tantangan, South Cotabato.

Suno kay Albano, nakit-an na lamang ang bangkay ni Agregado sa puloy-an sini nga nakabitay sa sala usar ang kalat.

Isa naman sa ginatudlo nga rason sang paghikog sang biktima amo ang balatian nga madugay na nga ginasuprer sini.

Naglaygay man ini nga dapat ipaguwa ang nabatyagan yadtong may ginadala nga mabug-at nga problema agud malikawan ang insidente sang paghikog.