Nagprotesta ang Vietnam sang batok sa mga pahayag sang China kag Pilipinas parte sa Sandy Cay, isa ka pinagtatalunang lugar sa Spratly Islands sa West Philippine Sea (WPS) nga ginkilala sang Vietnam bilang parte sang ila teritoryo.
Suno kay Pham Thu Hang, tagapagsalita sang foreign ministry sang Vietnam, nagsumite na sila sang protest notes sa duha ka pungsod bilang reaksyon sa kuno’y paglapas sa ila soberanya.
Ginpahayag sang Vietnam nga ang Spratly Islands sakop sang ila teritoryo kag nagpanawagan ini sa mga nasakupan nga mga pungsod nga igalang ang ila karapatan kag maglikaw sa mga aksyon nga magapalala sang tensyon.
Ang protesta nagaluntad kasunod sang mga balosanay sang China kag Pilipinas sang nagligad nga semana, matapos nga i-report sang Chinese state media nga ginpasakop sang ila coast guard sang tunga-tunga sang Abril ang Tiexian Reef, parte sang Sandy Cay, sa “maritime control.”
Bilang reaksyon, nagpagwa ang Philippine Coast Guard sang laragway nga nagapakita sang mga suladado Pilipino nga nagtaas sang bandera sang Pilipinas sa amo man nga lugar, isa ka adlaw antes nga gin-report nga nagtaas man ang watawat sang China sa Sandy Cay.
Ang Sandy Cay nahamtang malapit sa Thitu Island (Pag-asa Island), nga okupado kag ginabantayan sang Pilipinas.
Nagapadayon ang tensyon sa rehiyon, kun sa diin ang mga nasud pareho sang Vietnam, Pilipinas, kag Malaysia nagaangkon man sang parte sang dagat nga ginahingyo halos tanan sang China, bisan pa nga may desisyon ang international tribunal nga wala sang legal nga basehan ang claim sang Beijing sa WPS.
