KORONADAL CITY- Personal nga nagpadulong sa waragwagan sang Bombo Radyo Koronadal ang duha ka utod sang suno pa isa ka ginamaltrato nga OFW sa pungsod Jeddah, Sarabia Arabia nga ginkilala kay Alma Sel Tan.
Suno sa isa sa mga utod sini nga si Ana Sel Tan nga luyag na magpuli sang nasambit nga OFW bangud sa indi na makaya sini iya nga obra sa sulod pa lang sa pila ka bulan.
Magluwas sina wala man suno pa nasunod ang kontrata sini bangud nagaobra ini sa tatlo ka mga panimalay sang mga himata sang iya employer.
Dugang pa nga sa kasamtangan nabudlayan na ini kag nakaangkon man sang mga skin allergies sa guya kag iban pa nga bahin sang iya nga lawas.
Tigayon naman nga nagpakig-angot ang pamilya sini sa agency apang daw kasubong nga ginapasa-pasahan lamang sila.
