KORONADAL CITY – Hugot nga ginkundenar sang local government unit (LGU) Kalamansig ang ginhimo nga pagpang-ambush sang mga ginapatihan mga rebelde nga New People’s Army sa ila nga banwa nga ginkamatay sang isa ka suldado kag ginkapilas sang 8 ka iban pa.
Suno kay Mayor Ronan Eunege Garcia, wala dapat nga ginhimo sang mga rebelde ang nasambit nga tikang bangud dako ang posibilidad nga makaapekto ini sa pagbalik sa negotiating table sang gobyerno kag CPP-NPA-NDF.
Una diri, ginpahayag ni Mayor Garcia nga natabo ang pagpang-ambush sa mga suldado nga katapu sang 2nd Marine Company samtang papuli na ang mga ini sa Sitio Tinangdanan Brgy. Hinalaan.
Natabo ang pagkambyuhanay sang lupok sa duha ka bahin nga nagresulta sa pagkapatay ni Marine Pvt Albino Bahian III kag pagkapilas sang 8 ka mga katapu sang Marine Battalion Landing Team.
Nahibaluan nga ang nasambit nga mga rebelde ang nagikan sa Senator Ninoy Aquino, Sultan Kudarat kag Sarangani province.
