Ginmando sang bag-o nga Senate President Pro Tempore si Sen. Win Gatchalian ang pagpatuman sang work-from-home arrangement para sa mga opisina sang Senado subong nga Huwebes, Hunyo 4.
Sa ginpaguwa nga abiso, ginpahayag ni Gatchalian nga ang tanan nga opisina sa idalom sang Senate Secretariat kag Senate Proper ang ginapahanugutan nga magtrabaho gikan sa ila mga puluy-an.
Ang nasambit nga lihok ginapahayag nga nagatuyo nga mapabilin ang neutrality sang bureaucracy sang Senado sa tunga sang mga nagakatabo subong.
Apang kabaliskaran ini sa nauna nga direktiba ni Senate President Alan Peter Cayetano nga magpabilin nga bukas ang Senado para sa natalana nga hearing sang Senate Blue Ribbon Committee angut sa kontrobersiya sa flood control projects.
Sa pihak sang work-from-home arrangement para sa mga empleyado sang Senado, ginalauman nga magapadayon ang natalana nga hearing kun wala sang bag-o nga anunsyo halin sa pamunuan sang Senado.
Wala pa sang dugang nga detalye nga ginhatag kun paano makaapekto ang nasambit nga mandu sa operasyon sang Senado kag sa paghiwat sang hearing sa isyu sang flood control.
