Naeleher si Senador Sherwin “Win” Gatchalian bilang bag-o nga Senate President Pro Tempore sang Miyerkules, nga nagbulos kay Senador Loren Legarda, sa tunga sang padayon nga isyu sa liderato sang Senado kag asod-asod nga indi pagtambong ni Senate President Alan Peter Cayetano.
Pormal nga nagpanumpa si Gatchalian sa iya bag-o nga posisyon subong nga adlaw bilang Senate President Pro Tempore, kag acting Senate president sang senado.
Ginpahayag ni Gatchalian nga napiltan ang liderato sang Senado nga ipadayon ang sesyon bangud sa padayon nga pag-absent ni Cayetano. Suno sa iya, wala nagtambong si Cayetano sa mga nakatalana nga sesyon sang Hunyo 1 kag Hunyo 2 matapos mag-adjourn ang Senado sang Mayo 26.
Samtang, gin-appoint man si Senador Juan Miguel “Migz” Zubiri bilang chairman sang Committee on Rules, isa sa mga pinakaimportante nga komitiba sa Senado nga nagadumala sa pagdalagan sang mga hagna.
Antes nagtapos ang sesyon, nag-adjourn sine die ang Senado kun sa diin ini ang pinakabag-o nga pagbag-o sa liderato nagakatabo sa tunga sang padayon nga tensyon sa sulod sang Senado nga nakaapekto sa mga sesyon kag sa pag-uswag sang mga lehislatibo nga buluhaton sa nagligad nga mga adlaw.
