Napamatud-an nga nakasala sa sa korte sa New York si anay US President Donald Trump sa tanan ngas 34 counts sang pagpameke sang iya nga business records.
Ginabasa sang 12 ka hurado ang nasambit nga findings nila sa atubangan ni Justice Juan Merchan.
Ang 34 counts ang gikan sa 11 invoices, 12 vouchers kag 11 tseke nga halin naman sa bulanan nga reimbursement ni Trump gikan sa pagbayad niya kay MIchael Cohen.
Si Cohen ang nagrepresentar kay Trump para bayaran sang $130,000 si adult star Stormy Daniels.
Kabaylo sang bayad nga ini agud maghipos na si Daniels kag indi na pag-ibuyagyag nga nakaangkon sila ni Trump sang relasyon agud indi ini maguba sa election sang 2016.
Ginpasalamat man ni Judge Merchan ang mga hurado kun diin gintalana sa Hulyo 11 ang pagbasa na sang pamatbata kay Trump.
Ginbalibaran naman sang judge ang hingyo sang abogado ni Trump nga si Todd Blanche nga kun mahimo ibasura na ang mga kaso.
Depensa sini nga sa ginpaguwa nga pamatbata wala sang unod ang testimonya ni Cohen.
Nahibaluan nga ini ang una nga tion nga ang isa ka pangulo sang Amerika ang ginpamatbatan sa isa ka kaso.
