-- ADVERTISEMENT --
Ginkumpirmar sang Swiss-Ski federation ang pagkamatay sang 26 anyos nga Swiss Olympic Snowboarder nga si Sophie Hediger.
Ini matapos nga maabtan sia sang avalanche ukon hinali nga pagkarumpag sang snow sa mountain resort sang Arosa sa nasambit nga pungsod.
Matandaan nga nakakuha si Hediger sang first two World Cup podium places sa 2023-24 season kag nagpasakop man sa 2022 Winter Olympics sa China.
Suno sa Swiss-Ski, indi na nila pag-ibuyagyag ang dugang nga detalye sa pagkamatay sang Olympic Snowboarder bilang pagsunod sa hingyo sang pamilya sini.
Nagpalab-ot naman sang pagpakig-unong ang Sport CEO sang Swiss-Ski nga si Walter Reusser sa pamilya ni Hediger bangud sa hinali sini nga kamatayon.
