Magapadayon si Pinay Tennis Star Alex Eala sa iya preparasyon para sa French Open paagi sa duha ka clay tournaments sa Italy matapos ang iya kampanya sa Madrid Open, kun sa diin nakaabot siya sa second round sang singles kag doubles.
Magkuha anay siya sang isa ka semana nga pahuway antes magpartisipar sa Internazionali BNL d’Italia sa Rome sa Mayo 5–17, isa ka WTA 1000-level nga torneo kag importante nga preparasyon antes ang Grand Slam.
Posible man siya magdugang sang isa pa ka torneo sa Parma Ladies Open saMayo 12–17, nga nakadepende sa mangin performance sang atleta sa Rome.
Ini nga mga torneo amo ang iya final nga preparasyon antes ang French Open nga pagahiwaton halin Mayo 24 tubtob Hunyo 7 sa Paris.
Sa karon, ginapaninguhaan ni Eala nga mapataas liwat ang iya ranking halin sa No. 44, matapos niya maabot ang career-best nga No. 29 sang nagligad nga bulan.
