KORONADAL CITY- Ginkumpirmar sa Bombo Radyo Koronadal ni 27th IB commander Lt Col. Jones Otida nga mas nagdamo pa ang surrender feelers nga ila nabaton humalis sa komunista kag rebelde nga New People’s Army kadungan sang selebrasyon sang paskwa kag nagahilapit nga bag-ong tuig.
Sa ekslusibo nga interbyu sang Bombo Radyo Koronadal kay Col. Otida, subong nga paskwa nahuna-hunaan sang mga rebelde nga magsungka nalang bilang manami nga regalo para sa ila kaugalingon kag pamilya.
Nahibaluan nga ang mga rebelde nga NPA nga nagpahayag ga magasungka ang halin sa banwa sang Lake Sebu,South Cotabato kag mga banwa sang Maasim kag Maitum Saranggani province.
Sa pihak sang nagahilapit nga ika 50 ka tuig nga anibersaryo sang NPA sa Disyembre 26, 2018 mas ginpinili sang mga ini nga magsungka apabg indi sa gihapon maga untat ang militar sa paglagas sa iban pa nga mga nabilin nga mga rebelde ilabi na ka padayon pa ang ila recruitment.
