KORONADAL CITY – Signature sang BIFF-Dawlah Islamiya ang ginhaboy kag ginasigabong nga improvised grenade sa detachment sang militar sa Barangay Macasampen, Guindulungan, Maguindanao.
Ini ang ginpahayag ni Lt. Col. John Paul Baldomar, tagpamababa sang 6ID Phil. Army sa interbyu sang Bombo Radyo Koronadal// Suno kay Baldomar, isa ka retaliatory attack ang ginhimo sang BIFF bangud sa padayon nga pag tumod sang mga ini sa ila nga grupo.
Dugang pa ni Baldomar, naguwa sa post-blast examination nga ang may kahimuan sa sini nga panghilitabo amo ang mga BIFF-Dawlah Islamiya bangud lunsay ang ila nga ginhimo nga pag pang atake.
Ginako man ni Baldomar nga bangud sa padayon nga operasyon batok sa mga terorista nga grupo, naghimo ang BIFF sang mga amo sini nga aktibidad agud makahimo sang kalakasan kag makabalos sa mga suldado.
Sa karon, yara na sa luwas ang lugar kag nagapabilin sa hightened alert status ang bug os nga Maguindanao.
