Nagapangasubo ang aktres nga si Sue Ramirez sa pagkapatay sang iya iloy nga si Concepcion “Chit” Dodd.
Ginkumpirmar ni Ramirez ang masubo nga balita paagi sa iya social media post.
Ginpaambit sang aktres ang isa ka laragway nila sang iya iloy kag nagsulat, “Mahal na mahal na mahal kita.”
Nagpaambit man siya sang video samtang yara sa sulod sang salakyan kag nagaulan.
Nagpaabot sang pagpakig-unong ang anay nobyo ni Ramirez nga si Negros Occidental Rep. Javi Benitez.
Naghatag man sang tribute ang Trade Union Congress of the Philippines (TUCP), kun sa diin nagserbi si Chit, ang ilot ni Remirez bilang vice president.
Isa si Chit sa mga kilala nga labor leader nga nagpakigbato para sa mga kinamatarong kag kaayuhan sang mga mamumugon.
Sang Enero, madumduman nga nauna na nga nagpanawagan si Sue sang blood donors para sa iya iloy nga nakatalana magpa-open-heart surgery.
Tubtob karon, wala pa ginpahayag sang pamilya ang eksakto nga rason sang pagkapatay ni Chit.
