Ginakabig sa gihapon sa subong sang Provincial Epidemiology and Surveillance Unit (PESU) sang South Cotabato Integrated Provincial Health Office ang balatian na dengue bilang isa ka public health threat bangud sa padayon nga pagsaka sang kaso sang sini nga balatian sa probinsiya.
Ini ang ginpahayag ni Health Education and Promotion Officer II Eldon Hans Serame sang South Cotabato Integrated Provincial Health Office, padayon nga nakapagkit sang pagasaka sang kaso ang probinsiya sa subong nga bulan sang Hunyo.
Base sa datus, humalin June 14-20, 2026, nakapagkit na ang probinsiya sang 218 nga panibag-o nga kaso sang balatian sang diin 76% nga mas mataas kun ikumparar sang nagligad nga tuig sa amu man nga bulan.
Sa kabug-usan , nagdangat na sa 1, 995 ang mga kaso sang balatian sa subong nga tuig sa diin mas manubo naman ini sang 20% sang naglabay nga tuig.
Nagsaka man ang numero sang mga nagbalatian sang Dengue sa nagkalain-lain nga munisipyo sa probinsiya sa diin nakapagkit ang banwa sang :
- Surallah- 415 ka kaso sa diin 18% ang pagsaka
- Koronadal City – 297 kaso
- Banga-274 kaso
- Lake Sebu- 212 kaso
5 .Tboli- 196 kaso
Dugang pa ni Serame, as of June 20, 2026 nga datus, 24 ka mga barangay sa probinsiya sang South Cotabato ang ginakabig nga Dengue Hot spot Areas sa diin may mga napagkit nga clustering of cases kag naga saka ang kaso sang balatian sa sulod sang duwa ka semana. Ang mga barangay nga ini ang ginakalakipan sang sang:
- Banga- Cinco , Punong Grande kag Barangay Reyes
- Koronadal City- San Roque
- Lake Sebu- Halilan, Lake Lahit , Lamcade, Lamlahak, Poblacion
- Norala- Barangay Esperanza,
- Polomolok- Poblacion
- Santo Nino- Brgy San Isidro
7.Surallah- Colongulo, Dajay Libertad, Talahik - Tampakan- Santa Cruz
- Tboli- Kematu, Laconon New Dumanggas kag Poblacion
- Tupi- Poblacion, Polonuling
Bilang sabat, nagapanawagan ini sa tanan nga mga LGUs nga magpatuman sang mas estrikto nga pagbantay sa mga vector, maghiwat sang koordinado nga mga kampanya sa pagtinlo sang komunidad, kag pabaskugon ang mga kampanya sa edukasyon sa ikaayong lawas.
Ginapahanumdom man ang publiko nga maggamit sang mosquito repellent kag protektahan ang kaugalingon paagi sa nagakaigo nga panapton agud malikawan ang kagat sang lamok.
