KORONADAL CITY- Pormal na nga ginpaidalom ang syudad sang Koronadal sa istrikto nga implimentasyon sang Curfew Hour batuk sa seryoso nga pamahog sang terorista nga ISIS-Maute sa syudad.
Ang implimentasyon sang curfew, gintawag pa ini nga “Hybrid” ni Koronadal City Mayor Peter Miguel kun sa diin tanan nga pwersa sang tropa sang kapulisan sa syudad kag suporta sang 27th IB Philippine Army ang igabubo agud mapunggan ang anuman nga terroristic act sa syudad.
Samtang ginsupresa naman ang mga pumuluyo sang South Cotabato sa gilayon kag istrikto nga implimentasyon sang No ID No Entry sa mga nagapanguna nga entry kag exit points pasulod kag pagwa sa Koronadal kun sa diin ginatas ka tawo ang nalate sa ila mga trabaho bangud isa-isa nga ginapapanaog sang PNP ang mga pasahero.
Kaangot sini 3 naman ka makaduluda nga kalalakihan nga may dala nga mga bag ang nakiglagsanay pa sa mga otoridad makaligad mag likaw sa checkpoint sa Brgy. Paraiso kun sa diin padayon pa nga ginalagas sang mga otoridad.
