KORONADAL CITY– Ginpangunahan sang mga katapu sang South Cotabato Muslim Affairs ang panawagan sa paghatag sang bulig sa masobra 500 ka mga bakwit nga Maranao-Muslim gikan sa Marawi nga nagapuyo subong sa probinsya.
Sa interbyu sang Bombo Radyo Koronadal kay Sultan Mutalib Sambuto South Cotabato Muslim Affairs Chief, nakigsapol na ini kaupod ang iban pa nga mga Muslim leaders kag nagkalain-lain nga ahensya sang gobyerno agud makahatag sang bulig sa mga biktima sang Marawi siege.
Dugang pa sini nga ginatutukan man sang ila ahensya kalakip ang iban pa nga mga volunteers gikan sa nagkalain-lain nga religious sector ang paghatag sang seguridad kag proteksyon sa mga bakwit agud nga indi makaeksperiensiya sang pagpangbully ukon anuman nga diskriminasyon kag pagpangmaltrato.
Pagpakita suno pa ini nga dapat magbuligay ang tanan anuman ang relihiyon kag prinsipyo batuk sa terorismo.
