KORONADAL CITY – Amat-amat na suno pa nga nagbalik sa normal ang pagpangabuhi sang mga pumuluyo sa North Cotabato makaligad ang pagtay-og sang Mag 6.3 nga linog nga nagsentro sa banwa sang Tulunan.
Sa esklusibo nga interbyu sang Bombo Radyo Koronadal kay North Cotabato PDRRMO Officer Mercy Forunda, nagahagan-hagan na ang sitwasyon sa ila nga banwa apisar nga nabataygan ang mabaskog nga linog kag mga aftershocks.
Ini bangud nagpalab-ot na sang buig ang nagkalain-lain nga grupo kag personalidad sa mga biktima lakip na ang pagpanagtag sang provincial government sang North Cotabato sang food packs sa mga barangay sa banwa sang Tulunan kag Makilala.
Samtang, ginkumpirmar man ni Forunda nga masobra 800 na ka aftershocks ang napagkit sang Phivolcs kun sa diin halos 700 diri ang nabatyagan samtang halos 100 naman ang indi mabatyagan.