Pormal nga gintapos sang Senate Impeachment Court ang pre-trial conference may kaangtanan sa impeachment trial ni Bise Presidente Sara Duterte kahapon, Huwebes, Hunyo 25, 2026.
Nagpasalamat si Senate Secretary Renato Bantug Jr., nga amo man ang clerk of court sang impeachment court, sa mga miyembro sang prosecution kag defense teams bangud sa ila kooperasyon nga nagresulta sa madasig nga pagtapos sang pre-trial conference sa sulod lamang sang lima ka adlaw.
Ginapangunahan ni Batangas Rep. Gerville Luistro ang prosecution panel halin sa House of Representatives, samtang si Atty. Shiela Sison naman ang nanguna sa depensa ni Bise Presidente Duterte.
Pareho nila ginpasalamatan kag gin-dayaw ang tanan nga partido nga nagbulig agud mapadasig ang proseso.
Nagtambong man sa seremonya sanday Deputy Clerks of Court Atty. Marivic Laurel-Garcia kag Atty. Maria Valentina Cruz.
Ang pagtapos sang pre-trial conference nagbukas sang dalan para sa pagsugod sang aktwal nga trial sang impeachment case batok kay Bise Presidente Duterte sa masunod nga mga adlaw.
