Ginbara ni Senadora Risa Hontiveros ang hingyo ni Kingdom of Jesus Christ (KOJC) leader Apollo Quiboloy nga ipaidalom siya sa hospital arrest sa Davao City.
Suno kay Hontiveros, seryoso nga krimen ang ginapangatubang ni Quiboloy parehos sang human trafficking, rape kag child abuse rason nga dapat patas ang trato sa mga akusado ano man ang ila estado sa kabuhi.
Wala man dapat sang special treatment kay Quiboloy bangud ang hingyo sini nga hospital arrest sa Davao, ang wala sa lugar.
Una na nga ginpahayag ni PNP spokesperson Police Col. Jean Fajardo nga naghingyo sa Pasig City Regional trial Court (RTC) branch 159 ang kampo ni Quiboloy kag isa pa nga lunsay akusado nga si Ingrid Canada sang hospital arrest sa Davao.
Ginpahayag sang Senadora nga indi dapat mamili si Quiboloy kun diin siya presohon bangud wala siya sa sulod sang “King Dome”.
