Ginbatikos sang grupo nga Samahan sang mga Ex-Detainees Laban sa Detensyon kag Aresto (SELDA) ang ginatawag nga ‘VIP treatment’ nga ginhatag kay Apollo Quiboloy, ang founder sang Kingdom of Jesus Christ kag kandidato sa senatorial election.
Ini nga isyu nagluntad matapos ang pagpagwas sang recorded campaign message ni Quiboloy sa proclamation rally sang Partido Demokratiko Pilipino-Lakas ng Bayan (PDP-Laban) sang naglabay nga semana.
Suno sa grupo, ang ini nga tikang nagpamatood sang ginahimo nga double-standard nga pagtrato sang gobyerno sa mga detainees.
Nangin pamangkot ni SELDA vice chairman Danilo dela Fuente, ngaa si Quiboloy gintugutan nga makarecord sang campaign video samtang ang iban nga preso kinahanglan mag-sunod sa mas istrikto nga mga patakaran sa sulod sang presohan.
Suno kay Dela Fuente, ang mga pigado nga detainees kag mga political prisoners kinahanglan mag-sunod sa mga istrikto nga patakaran, samtang ang mga may kwarta kag mga makapangyarihan nakabaton sang espesyal nga pagtratar.
Bilang sabat, ginpahayag ni Bureau of Jail Management and Penology (BJMP) spokesman Supt. Jayrex Bustinera nga ang video nga ini legal nga ginkuha ukon ginhimo.
Suno kay Bustinera, ginadumilian sang BJMP ang indi otorisado nga pag-record ukon paggamit sang mga kamera sa sulod sang mga presohan.
Apang, may court order para kay Quiboloy nga makarecord sang iya mensahe bisan pa nga siya ay nakakulong, kag kinahanglan sundon ini sang BJMP.
Suno kay Bustinera, ang video ni Quiboloy ginkuha samtang siya ara sa Pasig City General Hospital kag indi sa sulod sang iya detention facility.
Ang video una nga ginpagwas sa rally sang PDP-Laban sa Ynares Sports Arena sa Pasig City.
Suno kay Atty. Israelito Torreon, ang legal counsel sang nakakulong nga kandidato, ginpabilin nga may mga civil kag political rights si Quiboloy bilang kandidato sa eleksyon.
