Ginpunto ni Senadora Pia Cayetano ang importansya sang pagtudlo sang “age-appropriate” sex education sa tunga sang mga reklamo nga nadawat sang Senate Bill 1979, ukon mas kilala bilang Prevention of Adolescent Pregnancy Act of 2023.
Suno kay Cayetano, indi siya tutol sa ginatukod nga panukala partikular ang pagsabat agud pakigbatuan ang krisis sang teenage pregnancy.
Pa-athag sang senadora, ang age-appropriate sexual education ang paghibalo sang mga bata angkot sa ila nga body parts.
Suno man kay Cayetano nga nakastorya na sini si Senadora Risa Hontiveros, ang may-akda sang panukala nga batas, kung pano siya makabulig sa pagpabaskog sang bill.
Ginbasira ni Hontiveros ang pipila ka mga batikos nga ginabato sa panukala nga batas bilang “false information”.
Ginpaklaro sang senadora nga wala sang mga probisyon angot sa pagtudlo ukon pagganyat sang masturbation sa mga bata nga may edad na zero tubtob apat nga tuig ukon bisan ano pa nga pagtudlo sang “bodily pleasure sa mga bata nga may edad nga anom tubtob siyam nga tuig, ukon ang mga bata ang pagatudluan sang ila nga “sexual rights.”
