Ginbuyagyag nga gin-alegar naglab-ot sa ginatos ka milyon nga pondo ang gin-channel para sa 2022 campaign ni VP Sara Duterte, base sa pahayag sang nagapakilala nga bagman nga si Ramil Madriaga.
Suno kay Madriaga, ginmanduan sia ni Rodrigo Duterte sang 2020 nga magtukod sang Social Justice, Innovation, and Progress Pilipinas Inc. (ISIP), nga ginahambal sini nga ginakahulugan “Inday Sara is my President” para sa mga supporters sang Bise Presidente.
Ginpahayag sini nga nakabaton ang ISIP sang P175 million halin kay Lin Wei Xiong sang Pharmally Pharmaceuticals para sa organizing, promotional kag campaign activities.
Dugang pa niya, ginmanduan man siya nga mangayo sang P100 million halin kay Maestrado Lim, samtang naghatag man sang dugang nga “financial support” si Michael Yang.
Ang mga alegasyon sang kontribusyon ginlantaw subong nga kabahin sang gin-usisa sa padayon nga imbestigasyon.
