Wala pa nakalab-ot isa ka oras ang senate inquiry sang Committee on Women, Children, Family Relations and Gender Equality pero ginpaandaman na ni senador Jinggoy Estrada si Sual Pagansin, Mayor Liseldo Calugay nga posible ma-cite sia in contempt kon padayunon sini ang pagbinutig samtang underoath ang alkalde.
Ini matapos gin-deny ni Calugay nga indi sila business partners ni dismissed Mayor Alice Guo kag indi man sila magkahigugma apisar nga may yara sila nga duha sang couple shirt kag mga dokumento angut sa mga negosyo.
Matandaan nga sa iya opening statement, ginpakigbahin ni Estrada nga yara na sila sa Season 2 sang “hindi ko alam” kag pagbinutig ni Guo.
Aminado man si Calugay nga may yara sia sang iban nga partner. Samtang sang ginpamangkot si Guo kon nakahibalo sia kon sin-o ang bag-o nga kahigugma ni Calugay nagsabat ang anay alkade sang “I refused to answer”.
Apang sang gin-usisa na sia sanday Hontiveros kon ano ang iya grounds ukon basehan sa pagdumili sini sa pagsabat sa mga pamangkot, nagresponde na lang si Guo nga indi niya kilala kon sin-o.
