-- ADVERTISEMENT --
Nabatyagan ang tuman ka baskog nga magnitude 8.8 nga linog ang eastern Kamchatka Peninsula sang Russia las-11:25 sang aga sini nga Miyerkules.
Ang linog may kadalumon nga 20.7 kilometers kag nagresulta sang pagkaguba sang isa ka kindergarten sa Petropavlovsk-Kamchatsky.
Ginahibalo pa ang epekto kag mga posible nga casualty.
Nag-issue sang tsunami warnings ang mga pungsod sa Pacific coasts, kalakip na ang Pilipinas, Indonesia, Japan, kag Russia, kag gin-abisuhan ang mga residente mag-evacuate.
Natala man ang tsunami nga may kataason nga 3-4 meters sa Kamchatka, nga nagtuga sang pagbaha sa Severo-Kurilsk, nga may 2,000 nga populasyon.
