Preparado nga mag-atubang si anay House Speaker kag Leyte 1st District Rep. Martin Romualdez sa ginapatigayon nga preliminary investigation sang Office of the Ombudsman may kaangtanan sa ginapatuhoy nga iregularidad sa mga proyekto sa flood control.
Suno kay Atty. Ade Fajardo, abogado ni Romualdez, sabton sang kongresista ang tanan nga alegasyon batok sa iya, apang ginpabutyag niya nga ang ginapangayo lang nila amo ang patas nga proseso.
Gindugang man ni Fajardo nga wala sang plano si Romualdez nga maghalin sa pungsod kag padayon niya ginatuman ang iya katungdanan bilang representante sang Una nga Distrito sang Leyte.
Gin-insister sang kampo ni Romualdez nga wala sang ebidensya nga nagaulamid sa iya sa ginaalegar nga anomalya sa flood control projects.
Suno sa abogado, wala sang papel si Romualdez sa paghimo sang 2025 national budget luwas sa pagpirma sini, kag wala man siya suno pa kaangtanan sa pagpatuman sang mga proyekto sa flood control.
Ginkwestyon man ni Fajardo ang kredibilidad sang 18 nga ginatawag nga “maleta boys,” nga ginatudlo nga anay mga bodyguard ni anay Ako Bicol Party-list Rep. Zaldy Co kag posible nga gamiton bilang mga testigo sa imbestigasyon sang Ombudsman.
Gindepensahan niya nga indi dapat saligan ang ila mga pahayag bangud may kaso suno pa sila nga perjury halin sa Department of Justice.
