Inaway sa pamilya ang nakit-an sang mga otoridad nga motibo sa pagpang ambush sa apat ka persona sa probinsya sang Maguindanao.
Una na nga nakilala ang mga biktima nga sanday Saprola Buday, brgy kapitan sang Brgy Dungguan, Datu Montawal, Maguindanao kag ang iya tatlo ka mga kaupdanan nga sanday Norodin Omar, Ali Baganlan kag Salipada Malalag.
Suno kay Datu Montawal Mayor Datu Otho Montawal nga halin ang mga biktima sa MPOC, MADAC kag DRRMC meeting sa municipal hall sa banwa sang Datu Montawal kag papauli na kun tani sa ila puluy-an sakay sang isa ka Toyota Revo apang pag abot nila sa Brgy. Layog, Pagalungan, Maguindanao, gulpi na lamang sila gindikitan sang riding in tandem suspects kag ginpangluthang usar ang kalibre 45 nga pistola.
Madasig naman nga nagapalagyo ang mga suspek sakay sang motorsiklo padulong sa surudlon nga lugar sa banwa sang Pagalungan.
Gilayon nga gindangat sa balay bululngan sa Kabacan, North Cotabato ang mga biktima apang bangud delikado ang ila kondisyon ginsaylo ang mga ini sa balay bululngan sang Davao City.
Sang nakaligad nga tuig, nag ibwal man ang kinagamo sa Brgy. Dungguan sa tunga sang Pamilya Buday ka armado nga pamilya.
