KORONADAL CITY- Suportado sang Overseas Workers Welfares Administration 12 ang tigayon nga pagpatuman sang total deployment ban sa mga OFWs sa pungsod Kuwait.
Sa interbyu sang Bombo Radyo Koronadal kay OWWA 12 Director Marlyn Jamero, manami nga tikang ang ginhimo sang Duterte administration agud mauntat na ang pagpang-abuso sa mga OFWs sa nasambit nga pungsod ilabi na nga kadamuan sa mga kaso sang pagpang-abuso sa mga OFWs ang naghalin sa nasambit nga pungsod.
Kaangot sini, nagpaandam man ang OWWA sa mga recruitment agencies nga padayon nga magapadala sang mga mga DH sa Kuwait pinaagi sa back door entry.
Dugang pa sini nga igapatuman nila ang hugot nga monitoring sa padayon nga hiring sang mga trabahante nga mga pinoy kun sa diin magapanabat ang mga recruitment agencies kag mga ahente nga maglapas sa igapatuman nga total deployment ban sa Kuwait
