KORONADAL CITY – Patay ang isa ka pulis nga ginakabig nga level 2 sa drug watchlist ni Pangulong Rodrigo Duterte makaligad nagbato suno pa ini sa mga otoridad sa ginpatigayon nga anti-drug operation sa banwa sang Polomolok, South Cotabato.
Ginkilala ang nasambit nga pulis nga si PO2 Ernie Majomot Sagabay nga miyembro sang Regional Police Holding Administrative Unit (RPHAU-12) kag residente sang Prk. Matulungin, Brgy. Silway 8 sa nasambit nga banwa.
Base sa imbestigason, nakatalupangod ini nga pulis ang iya katransaksyon rason nga nagpalagyo ini sakay ang motorsiklo kag ginlagas sang operating team sang Polomolok PNP kag Regional Intelligence Division (RID-12).
Nagpalupok ini sang iya armas butang nga nagbalos ang mga operatiba kun sa diin naigo si Sagabay.
Gindangat pa ang suspek sa Polomolok Municipal Hospital apang gindeklarar nga dead on arrival sang attending physician.
Narekober sa iya posesyon ang P1,000 marked money kag isa ka sachet sang ginapatihan nga shabu.
Samtang nakita sa crime scene ang kalibre 38 nga revolver, mga bala kag gin-usar sini nga motorsiklo.
Nahibaloan nga may pending ini nga kaso nga attempted homicide kag naaresto man sadtong Hulyo 10 subong nga tuig bangud sa kaso nga illegal possession of firearms sa ginpatigayon nga search warrants.
