Nagbigay ng maikling ngunit makahulugang tugon si Ferdinand Marcos Jr. matapos hingan ng reaksiyon kaugnay ng mga usap-usapan hinggil sa umano’y posibleng pagpapalit ng liderato sa Senate of the Philippines.
“Wait and see,” sagot ng Pangulo nang tanungin tungkol sa lumalakas na espekulasyon ng panibagong kudeta o reorganization sa Senado.
Batay sa mga ulat, apat na senador umano ang kinokonsiderang maging bahagi ng posibleng bagong liderato: Kiko Pangilinan, Joel Villanueva, Juan Miguel Zubiri, at Chiz Escudero.
Ayon kay Marcos, batid niya ang mga naging kaganapan sa Senado noong nakaraang linggo, kabilang ang umano’y pagpapalit ni Alan Peter Cayetano kay dating Senate President Vicente Sotto III.
Samantala, sinabi rin ng Malacañang Palace na hindi nito hinuhusgahan sa ngayon ang mga senador na magsisilbing senator-judges sa impeachment trial laban kay Sara Duterte.
Ayon sa Palasyo, nasa kamay na ng mga senador ang magiging direksiyon at resulta ng pagdinig. Binigyang-diin din na dapat tandaan ng mga mambabatas na sila ay iniluklok sa puwesto upang maglingkod sa sambayanan at hindi para sa interes ng iisang tao lamang.
