Gina-tutukan ni Quezon 3rd district Rep. Reynante Arrogancia sa Department of Justice (DOJ) ang mga public officials nga posible mag-resign o mag-leave subong nga ara na sa mga otoridad si Alice Guo.
Nagpati si Arrogancia nga may mga public officials nga nagbulig sa grupo ni Guo agud makalakat sa Pilipinas kag posible nga nagapaminsar na sang pagbiya sa pwesto.
Biskan sin-o nga ginahinalaan nga indibidwal nga makita nga mag-resign sa pwesto, bigla nga mawala, o mag-AWOL (absent without official leave) kinahanglan bantayan sang DOJ.
Basi plano na nila ang magpagpalagyo.
Kag pati ang mga kaanak nga bigla nga nadula kinahanglan man bantayan sang DOJ kag i-treat ang ila pagkawala bilang sinyales sang pagtakas.
Nagasalig ang House Committee on Public Order and Safety vice chairperson nga ang pagtulong sa iya sang pila ka personalidad para makalakat sa Pilipinas posible nagapakita nga natakot sila sa mga posible nga isugid o himuon ni Alice.
Sa pagbalik kay Alice, sigurado nga may problema na ang mga amo nga indibidwal.
