KORONADAL CITY – Nagakabalaka sa karon ang pila ka mga pumuluyo sa bug-os nga South Cotabato angot sa nangin tikang sang Philhealth sa pag-withdraw sang accreditation sa Allah Valley Medical Specialist Center Inc kag sang Dr. Arturo P. Pingoy Medical Center ilabi na ang mga dialysis patients.
Suno sa is ka concerned citizen, hugot nga apektado sa nasambit nga tikang ang mga may chronic diseases kag nagapaidalom sa dialysis treatment.
Ginhatagan punto man sini nga kun matuod nga may yara sa fraudulent activities nga ginhimo ang nasambit nga mga health care providers ukon ang pila ka mga doktor, ipaidalom sa due process kag indi pag-icompromise ang mga pasyente.
Kuntani suno pa ang mga ini lang ang ginpahamtangan sang penalidad kag indi na pag-idalahig ang mga pumuluyo.
Kaangot sini, ginpasiguro sang pamunuan sang South Cotabato Provincial Government ang paghatag sang assistance sa mga pasyente nga apektado sang pagkakas sang Philhealth Accreditation sa 2 ka ospital sa probinsya.
Ini ang ginpahayag ni PDRRMO Operations and Warning Chief Rolly Doane Aquino sa interbyu sang Bombo Radyo Koronadal, kun sa diin suno sa opisyal apisar nga indi pa available sa South Cotabato Provincial Hospital ang mga dialysis kag iban pa nga medical facility, indi sa gihapon mag-untat ang gobyerno sa pagbulig sa mga pasyente.
Ginhatagan punto man ni Aquino nga wala nila ginakonsiderar ukon ginatolerar ang mga fraudulent acts sa mga balay bululngan mangin man sa mga doktor sa probinsya.
Nagalaum man ini nga sarang mabaton sang PHILHEALTH benefeciaries ang mga benepisyo nga para sa ila.
Sa karon, nagabangay man ini nga padasigon ang pagsolbar sa nasambit nga problema.
