Gina-review pa subong ang possible nga mangin epekto sang pag-suspend ukon pagbuhin sang excise tax sa produktong petrolyo suno kay Palace Press Officer undersecretary Claire Castro.
Suno kay Castro, nagsugilanon ang mga ini kaupod si Department of Energy (DOE) Secretary Sharon Garin kag padayon ang pagpang-usisa bangud pabag-o bag-o ang presyo sang langis sa merkado.
Ginpaathag man ni Castro nga may yara sang 15-day effectivity matapos ini nga mapatuman bangud kinahanglan nga mahatagan sang tsansa ang mga indibidwal nga involved sang kahigayunan nga maka-preparar sa implementasyon sang amo nga layi base man sa Article 2 sang Civil Code bilang “grace period”.
Dugang pa sini nga ang nasambit nga probisyon ang kabahin sang due process kag ang Kongreso lamang ang may kinamatarong nga bag-uhon ini kag indi ang Presidente.
