Nagdeploy ang Philippine National Police (PNP) sang 20,000 ka personnel sa Quezon City antes sang ika-lima nga State of the Nation Address (SONA) ni Presidente Ferdinand Marcos Jr. sa Hulyo 27.
Kabahin sang ginbantayan sang kapulisan ang Commonwealth Avenue, diin ginapaabot ang pagtipon sang mga nagaprotesta.
Nagpatindog man ang PNP sang mga tolda nga magserbi sa command posts para sa seguridad sa tion sang SONA, samtang naka-full alert ang mga pulis halin sang Biyernes sang alas-5 sang hapon.
May apat ka grupo na ang nakakuha sang permiso halin sa Quezon City government para maghiwat sang protesta sa Commonwealth Avenue.
Ginpangabay sang kapulisan ang mga partisipante nga magpabilin nga malinong kag hilikuton ang mga rally sa husto nga pamaagi.
Bilang kabahin sang seguridad, magapatuman man ang Quezon City sang liquor ban sa Hulyo 27 halin alas-12:01 sang kaagahon tubtob alas-6 sang gab-i.
