KORONADAL CITY– Nagapabulig sa Bombo Radyo Koronadal ang isa ka Pinay Domestic Helper sa Jeddah,Saudi Arabia nga isa ka Koronadaleña matapos ini ginbaligya sang iya amo sa iban nga ahensya sa nasambit nga pungsod.
Ang nasambit nga OFW ang ginkilala lamang sa pangalan nga Rhea indi sini matood nga pangalan bnagud indi sini luyag nga mapublisyar ang iya matood nga pangalan sa kabalaka nga mahibaluan sang iya bana nga may yara sang malala nga balatian.
Nahibaluan nga si Rhea ang nakatapos na sang kontrata sa idalum sang Florida Agency sa Metro Manila kag Hakim Agency sa Saudi Arabia apang ginbaligya naman sang iya amo sa UMM agency kag subong yara na sa iban nga employer sa baylo nga magpauli na sa Pilipinas.
Dugang pa sini nga indi sini mahibaluan kun ano ang rason ngaa ginbaligya sya sang iya amo kun sa diin nakitlooy pa ini nga papulion nalang sa Pilipinas ilabi na bangud kinahanglanon siya sang bana nga nagabalatian apang ginhadlok pa ini nga paobrahon nga wala sang sweldo sa oras nga magpilit nga magpauli.
Sa pihak sini, ginhatag naman ni alyas Rhea ang matood nga identiry sini sa Bombo Radyo agud nga mabuligan nga makahalin sa iya sitwasyon.
