Posible gihapon nga magbiya ang pila ka prosecutor sa House Prosecution panel agud magpabilin sila nga spokespersons sa impeachment trial ni Vice President Sara Duterte.
Ini ang bangud sa mas hugot nga pagpatuman sang Senate Impeachment Court sa sub judice rule, nga nagalimita sa mga pampubliko nga pahayag may kaangtanan sa pending nga mga kaso.
Suno kay Rep. Zia Alonto Adiong, ginatun-an sang prosecution panel kun paano i-adjust ang ila ang communications team.
Mahimo nga magdugang sila sang mga spokesperson nga indi lakip sa panel agud mapaathag sa publiko ang mga nagakatabo sa trial.
Ginpahayag man ni Adiong nga dapat patas ang pagpatuman sang mga restriction sa prosecution kag defense, samtang ginamentinar ang katungod sang publiko nga mahangpan ang kaso kag ang mga technical nga diskusyon may kaangtanan sini.
