Nakuha liwat ni Mexican boxing superstar Canelo Alvarez ang WBC super middleweight title matapos mapierdi si Christian Mbilli paagi sa unanimous decision sa ila 12-round nga pag-inaway sang Sabado sang gab-i.
Nagkahiusa ang tatlo ka hurado sa paghatag sang kadalag-an kay Alvarez sa iskor nga 115-112, 116-111 kag 117-110, nga amo man ang nangin una nga kapierdihan ni Mbilli sa iya professional boxing career.
Ini ang una nga laban ni Alvarez matapos nga nakuha sa iya ni Terence Crawford ang undisputed championship sang Setyembre 2025.
Bisan dikit ang ila inaway sa una nga mga round, nangibabaw si Alvarez sa ulihi nga bahin paagi sa ensakto nga counterpunches kag sunod-sunod nga kombinasyon sang suntok.
Paagi sa kadalag-an, ginpaayo ni Alvarez ang iya record sa 64 ka panalo, tatlo ka kapierdihan kag duha ka tabla, samtang nagbilin naman kay Mbilli sang 29 ka panalo, isa ka kapierdihan kag isa ka tabla.
