KORONADAL CITY- Ginkondinar sang Philippine Drug Enforcement Agency 12 ang nagluntad nga pagpang ambush sa mga katapo sang PDEA-ARMM sa Brgy. Malna, Kapai, Lanao Del Sur kahapon nga ginkapatay sang 5 kag ginkapilas sang 2 ka iban pa.
Sa eklusibo nga interbyu sang Bombo Radyo Koronadal kay PDEA 12 spokesperson Kath Abad, ginkumpirmar nila nga isa sa mga napatay sa ambush amuh ang anay kaupdanan nila nga so Laurice Joy Amar nga residente sang Sultan Kudarat apang ginbalhin sa PDEA-ARMM.
Ginkakibot nila ang nasambit nga panghitabo kun sa diin dako ang posibilidad nga dako nga sindikato sang iligal nga droga ang may kahimuan sang pag-ambush sa mga ini.
Dugang pa ni Abad nga tuman ang desperasyon sang mga durugista kun sa diin gintarget pa ang mga kaupdanan apisar wala sa operasyon apang sa pihak sini mas pahugtan sa gihapon sang PDEA ang ila war against illegal drugs nga suportado sang Duterte administration.
