KORONADAL CITY – Ginapabugal sang siyudad sang Koronadal ang partisipante sini nga nag-intra sa swimming competition sa Tokyo, Japan.
Ini makaligad nga napauli ni Eliza Nicole Rojo ang apat ka bulawan nga medalya kag duha ka silver medals sa nasambit nga kompetisyon.
Nakuha sini ang bulawan sa 200m freestyle, 400m freestyle, 200m individual medley, kag 100m backstroke; samtang silver medals naman 50m freestyle kag 100m freestyle.
Sa interbyu sang Bombo Radyo Koronadal sa 14 anyos nga atleta, mabudlay ang iya gin-agyan bangud kinahanglan niya nga balansehon ang oras sa klase kag practice kada adlaw.
Sa nasambit nga kompetisyon, gin-intrahan ini sang 26 ka 26 ka Pinoy swimmers kag masobra 500 nga iban pa halin sa walo ka pungsod.
Kwalipikado man si Rojo sa tatlo ka international competition sa Dubai, Australia, kag Estados Unidos nga iya ginapreparahan.
Mensahe ni Rojo sa mga kasubong niya nga atleta, ipadayon lamang ang paghanas tubtob sa maangkon ang kadalag-an.
