KORONADAL CITY – Liwat nga nakapagkit ang rehiyon 12 sang dugang nga panibag-o nga mga kaso sang covid-19 makaligad ang kapin isa ka bulan.
Base sa pinakaulihi nga datos sang DOH- SOCCSKSARGEN, kalakip sa mga bag-o nga kaso nga napagkit amo ang 18 anyos nga lalaki halin sa Cotabato City nga may travel history sa Davao City; 25 anyos nga lalaki sa South Cotabato kag ginahibalo ang travel history, kag 43 anyos nga lalaki sa North Cotabato kag travel history sa Misamis Oriental.
Lunsay wala pa sang mga PH number ang mga ini apang yara sa maayo sila nga kahimtangan kag kasamtangan nga yara sa isolation facility.
Pahanumdom naman ni DOH-12 health education, and promotions officer Dr. Arjohn Gangoso nga padayon nga tumanon sang mga pumuluyo ang ginpatuman nga preventive measure mangin ang pila ka quarantine protocols agud indi na malatnan kag magdamo pa ang kaso sa rehiyon.
