KORONADAL CITY – Indi makapati tubtub sa sini nga tinion ang pila ka mga kaparyentehan kag kakilala sang isa sa mga Filipino Athlete sa Tokyo 2020 Olympics nga si Carlo Paalam bangud sa kaagi sini kag mga indi basta-basta ang mga kasupong sini nga tiglawas man sang iban nga pungsod.
Ini ang malipayon nga gin pakigbahin ni Michelyn Mae Paalam- utod ni Carlo Paalam sa interview sang Bombo Radyo Koronadal.
Suno siya, indi sa gihapon sila makapati sang nalutos sang ila ng utod ang defending champion nga tiglawas sang pungsod Uzbekistan nga si Shakhobidin Zoirov.
Dugang pa sini kahapon asta subong, naga kalipay sa gihapon sila sa ila nga lugar bangud magasaka naman sa Semi-Finals 1 ang ila nga utod nga si Carlo.
Tuman naman ang ila nga pagpangamuyo sa kadalag-an ni Carlo sa mga madason sini nga sambuwa kag makab-ot ang bulawan nga medalya sa patag sang boxing agud mapuli na ang ika-2 nga bulawan para sa pungsod Pilipinas.
